【FINTERVIEW】呢3個板塊可炒轉短

【Now財經台】內地今朝出咗4月70大中城市樓價數據，4月新建商品房住宅價格按年升0.7%，升幅係逾6年以來最小，按月更轉跌0.2%，係今年以來首次，而國務院副總理劉鶴喺噚日嘅數字經濟會議上又力撐平台經濟，呢啲消息會唔會令整體投資氣氛好轉？大市焦點又放喺邊度？

招銀國際策略師蘇沛豐指，內地上月經濟數據普遍偏弱，第2季企業盈利都應該唔樂觀，不過，市場對政策方面有憧憬，包括放寬貨幣政策及推出財政層面上嘅刺激政策等，估計市場會變得相對穩定，至於有望受惠於刺激政策嘅板塊如基建、內房、汽車等，短期嘅動力會比較強。