【FINTERVIEW】倘美陷衰退 標指最殘見...

【Now財經台】美國5月消費物價指數(CPI)按年、按月升幅都高過預期，通脹見頂嘅願望落空，美股上星期五已被震散，後市係咪都唔樂觀？聯儲局係咪要焗住大手加息？

臻享顧問董事總經理王良享指，美國CPI大部分細項都升，最令人擔心係核心部分，例如租金，依家有分析估計，聯儲局聽日開始議息，最終有機會加息0.75厘，呢個加幅好耐冇見過，標指喺上個加息周期，當時未有出現重大衰退，市盈率(PE)介乎16至18倍，但如果出現較深嘅衰退，PE可能跌到13至14倍，即標指喺最壞情況可能跌到3200點水平。