【財經TOP SEARCH】太陽能股食正國策值博

【Now財經台】截至早上11時止，1小時內《彭博》用戶關注度上升最多港股，依次為協鑫科技(03800)、新奧能源(02688)、申洲國際(02313)、中國銀行(03988)、微盟集團(02013)。

協鑫一向較少上榜，股價今日進一步破位，逼近年初3.88元高位，呢隻股份一向炒味較濃，今輪升勢係咪主要受惠於美國免徵太陽能板稅？北水持倉較上月增近3%，值唔值得跟炒？

大華繼顯執行董事梁偉源指，協鑫嘅股價以往都比較Chok，今次都係炒味較濃，不過，太陽能板塊今日表現唔錯，連帶A股太陽能龍頭隆基綠能都造好，佢估計，由於發展清潔能源係國策之一，相關股份應該可以受惠。

Steven又話，即使港股氣氛逐步改善，但資金流入唔算特別多，所以北水會主導大巿動力，睇住A股走勢賺錢機會都會大啲。