【槓桿致勝】Naspers預告掟貨！開騰訊PUT時機到？

【Now財經台】騰訊控股(00700)認沽證行使價介乎287至350元，槓桿率有7倍，但騰訊大股東Naspers預告會有序減持，套現做回購，依家係咪開騰訊PUT嘅時機？

中薇證券研究部董事黃偉豪指，騰訊係新經濟股中反彈力度較弱嘅股份，加上再傳出減持消息，估計騰訊嚟緊個勢都會偏弱，雖然Naspers今次係慢慢減持，有別於以往一次過掟貨，短期大跌空間唔大，不過，Naspers始終係大股東，無可避免都會有影響，佢又認為，騰訊股價喺320元會有支持。