【專家分析】美股資金湧債市避難？

【Now財經台】美國6月消費信心指數跌至2021年2月以來最低水平，美股3大指數噚晚全線低收，其中道指曾升逾440點，但收市倒插近500點，美股一度自月中低位反彈，但之後又跌過，已補返一個下跌裂口嘅美股，係咪只係熊市中彈一彈?

艾德證券期貨投資策略總監文錦輝指，睇返大行報告，去到第3季打後都睇得好淡，道指自32000點碌落嚟，之後連30800點再穿埋，市場都冇咩信心，佢又話，噚晚出嘅消費信心指數麻麻，雖然呢幾日有聯儲局官員出嚟降溫，冇唱淡美國經濟，但投資者、股市就唔係咁睇，通脹高企，聯儲局持續加息，一定影響企業盈利。Felix仲話，債息上返，股市一落，資金會重返債市避險。