【Now財經台】美元兌日圓今季累升約12%,錄得6年以來最大單季升幅,並已連升6季,季尾續刷新24年高位,一度見137,日本央行下半年係咪會繼續寬鬆,日圓跌到邊個水平先會出手?
亨達集團助理總經理羅明立指,近期連瑞士央行都加咗息,只係淨返日本央未有行動,但睇返官員近期嘅言論,貨幣政策暫時都唔會有改變。Patrick相信,由於日本短期仍會繼續寬鬆,日本同其他國家嘅息差,預期會進一步擴闊,暫時睇唔到日圓下跌趨勢有咩改變,但相信美元升到咁上下一定會調整,建議等日圓反彈再沽出。
| 羅明立 亨達集團助理總經理 |