【期匯決算】返「家鄉」前喺呢個位唱定Yen

【Now財經台】美元兌日圓繼續喺137水平爭持，已連續4日企喺50天線樓上，日本噚日宣布旅客打齊3針可免核酸檢測入境，更有傳未來或開放自由行，依家係咪時候唱定日圓準備返「家鄉」？

亨達集團助理總經理羅明立表示，日本央行今日表示，會維持寬鬆貨幣政策，以免入口貨品成本上升，而日圓貶值主要係因為美元強勢，預期美元兌日圓未來會升至140水平，但短期仍會喺135至140區間波動。

羅明立又認為，其實日圓匯價已經算低，如果只係去旅行可以唱定先，不過，從投資角度睇，趁依家美元回落買入會抵啲。