【期匯決算】唔驚疫情？人仔7.2至7.25有支持

【Now財經台】內地噚日新增近27000宗新冠本土個案，再多2人死亡，屬於北京本土病例，而廣州白雲區加強防控，河北省石家莊又宣布「封城」5日。內地再收緊封控，人仔亦轉弱，內地疫情係咪打擊內地重新開放進程，令人仔進一步受壓？

資深外匯分析師陳欣指，人民幣之前弱勢主要係美元強，雖然內地疫情反彈，但佢認為，由於防疫政策放寬咗，未必會輕易轉向，若防疫政策持續放寬，相信經濟可以有個良好預期，除咗防疫政策，房地產嘅融資政策、對民營企業貸款政策都有助內地經濟增長發展，雖然人仔近期因美元反彈而受壓，但隨著政策實行後，將利好中國經濟，預期可以為人仔帶來支持，估計人仔喺7.2至7.25有支持。