【專家分析】通達搞電動車充電業務難發圍？

【Now財經台】通達集團(00698)最新宣布同創業板公司基石科技(08391)簽署1份長達3年嘅戰略合作諒解備忘錄，雙方將共同促進電動車充電站研發、喺香港及內地推廣電動車充電站等業務發展機遇，並會成立合資公司，融合雙方嘅技術及產品。值得留意係，通達過去4年純利不斷萎縮，基石科技期內虧損亦不斷擴大，兩家公司今次嘅合作畀到市場咩憧憬？

寶鉅證券董事及首席投資總監黃敏碩分析指，通達以往主要做硬件業務，一直被一啲科技含量較高嘅公司比下去，依家開拓新業務，股價本身已跌到好殘，今次借呢個消息先可以彈返高，不過，Michael認為，通達只適合短線炒作，又話公司未必會喺呢個產業鏈有好全面嘅發揮。