【財經TOP SEARCH】內房撲到水仍未脫險？

【Now財經台】截至早上11時止，1小時內《彭博》用戶關注度上升最多港股，依次為中國海外發展(00688)、華潤置地(01109)、阿里健康(00241)、小米集團(01810)及雅居樂集團(03383)。

內房物管股今朝衝高後，冇再升多浸，中證監今次連出5招撐房企股權融資，利好因素係咪已經喺開市早段嘅殳價表現反映晒？內房恢復再融資嘅實際成效有幾大？

資深證券分析師彭偉新指，中證監嘅措施可以幫到房企攞到短期資金，但內房最主要資金來源向來都係靠賣樓，雖然短期成功集資有助營運，以及避免樓盤爛尾，但銷售問題仍是最關鍵，樓盤賣唔出，就冇辦法有新資金推動其他項目，賣唔到樓就要繼續喺市場集資，但集資係唔可能長期持續。

不過，Castor認為，市場對內房爆煲問題冇之前睇得咁悲觀，只要房企手頭上資金足以應付短期開工需要，都有助內房股價短期反彈。