【專家分析】通關利好消息炒完未？

【Now財經台】噚日有本地媒體報道，港府最快於今日交代通關安排，不過，內地最近幾日出爐嘅經濟數據及旅遊消費數字都麻麻，全球多地又進一步收緊中國旅客入境限制，野村首席經濟學家陸挺更直言，即使內地如期開關，對出入境復甦推動作用暫時係有限，即使本港跟內地如期周日通關，短期利好因素其實係咪已經消化及反映晒？

艾德金融期貨部主管文錦輝指，通關消息其實都炒咗兩個幾月，港股都升咗唔少，雖然全球唔少國家都開始疫後重啟經濟，但要見到經濟反彈都需要一段時間，中國嘅情況都一樣，要等到60%至70%人口感染過，同埋確認對醫療系統影響唔大，先可以開始講復常，內地放寬防疫措施後，感染個案激增，導致旅遊出行、連輸活動、商業活動突然中斷，而官方去年12月嘅PMI都反映形勢惡化，佢估計，內地經濟復甦仍需時。