【名家給力場】美國加息周期開始倒數？

【Now財經台】美國聯儲局一如預期加息0.25厘，聯邦基金利率上調至介乎4.5厘至4.75厘。到底加息0.25厘呢個步伐會維持幾耐？係咪加到5厘水平就見頂？

臻享顧問董事總經理王良享指，根據主席鮑威爾所講「couple of times」，couple即係兩次，但佢又話，美國通脹開始紓緩，佢嘅用字係「disinflation」，討論時好易令人聯想起「deflation」，即通縮，王良享估計，局方內部都有相關討論，累計加息4.5厘後，會唔會弄巧反拙，會唔將美國經濟推去衰退邊緣？通脹過後會唔會出現通縮？呢個問題已經防止局方下半年再加息，其次係鮑威爾喺Jackson Hole會議後，每次聯儲局開會，佢都話金融條件收得唔夠緊，但今次冇再咁講，佢認為，鮑威爾冇再大手打擊未成熟嘅股市升勢，或打壓樓市令樓價大幅回調，如果係咁，聯儲局有機會加多一至兩次息就完。

分析普遍預期，春季暫停加息後，息口會維持喺高水平一段時間，估計最快年底有機會開始減息。

Tommy認為，3月再加息0.25厘後就會見頂，未必會去到局方估計年底見5.1厘水平，大約喺4.9厘水平就停落嚟，其實鮑威爾喺呢方面噚晚都有一啲提示，就係...