【FINTERVIEW】環球經濟前景較預期樂觀？

【Now財經台】全球3大主要央行已先後公布今年首次議息結果，央行對息口係咪已見頂、加息周期幾時完結仍有分歧，舊年市場主題係聯儲局加息遏通脹，呢個投資主題今年會唔會持續發酵？

東亞銀行財富管理投資策略師陳偉聰指，雖然聯儲局主席鮑威爾暗示今年最少再加兩次息，但市場就解讀為第4季可能會減息，反而歐央行加息步伐比聯儲局更進取。

Jason又話，亦要留意經濟放緩速度，市場已開始消化美國經濟轉弱嘅消息，相信未必會陷入嚴重衰退，加上歐洲經濟似乎冇市場睇得咁悲觀，因此，若環球經濟增長前景較預期樂觀，將會成為環球股市、風險資產好有力嘅催化劑。