【槓桿致勝】滙控淡倉食糊離場

【Now財經台】收購美國矽谷銀行(SVB)英國業務嘅滙豐控股(00005)，股價由SVB出事前約59元，跌至噚日低位49.7元，過去5日係較多資金流出淡倉個股之一，滙控仍未失守100天線，1月初3個上升裂口中，噚日已經補咗1個，如果補晒就會落返去年12月橫行區，即46水平元嘅機會有幾大？

中薇證券研究部執行董事黃偉豪指，滙控股價暫時未去到咁低，雖然近期走勢麻麻，因為歐美銀行業出事，始終都會左右滙控股價，短短兩星期已跌咗8元，跌幅都唔小，因此，有部分造淡倉投資者選擇食糊離場都唔出奇。

Ravi又話，由於市場對美國議息結果只都係估估下，因此，好難估計滙控股價走向，資金選擇先離場再觀望都係正常嘅。佢認為，滙控再大跌空間唔大，所以落到40元水平機會唔大。