【名家給力場】內房股勝在夠殘有得諗？

【Now財經台】中央近期「3箭齊發」救內房，繼人民銀行及銀保監從信貸、債券發出「第2箭」及「16招」後，中證監亦透過股權渠道發出「第3箭」，包括恢復房企、涉房上市公司再融資等，呢啲政策救唔救到內房？能否重建市民嘅置業信心？

廣東省地產商會副會長尹德輝指，中央必定要出手救內房，如果內房危機再惡化將會係災難。佢又話，其實中央知道內房前幾年嘅發展有啲失控，因此，透過政策去處理泡沫問題。佢又提醒投資者唔好懷緬以往嘅風光日子，不過，唔少內房股價已跌咗90%，已經非常低殘，例如過往股價係30元，依家跌到3元，甚至更低幾，其實係可以考慮吸納。