標籤:分析
【FINTERVIEW】中國經濟復甦進度樂觀
【分析】 2023/03/31 11:39
【Now財經台】內地3月官方製造業採購經理指數(PMI)今朝出爐,表現好過市場預期,但復甦動力冇非製造業咁強。雖然國務院總理李強日前指,消費及投資等主要市場經濟指標不斷向好,值得留意係,內地近日不斷舉辦對外論壇,係咪反映內地經濟整體增長動力仍然不足,中央希望有更多外資流入,幫手提振經濟?
花旗投資策略及財富策劃部主管廖嘉豪認為,內地經濟復甦進度符合預期,工業利潤跌幅係滯後效應,未完全反映復甦動力。佢又話,內地經濟復甦進度樂觀,主要動力來自內需,雖然消費品零售總額增長較市場預期慢,但服務業及奢侈品消費可推動零售業發展。
廖嘉豪又指,考慮外部經濟因素影響後,認為內地人喺疫情期間儲落唔少銀彈, 再睇返海南島免稅品消費總額喺農曆新年創歷史新高,按年大升20%,相信零售及服務業今年會回暖,有助帶動就業及整體經濟發展。