標籤:
【輪證下半Part】落街掟彩虹
【輪證】 2022/06/30 14:12
【now.com財經】今日喺作戰室都唔可以話完全無落場,斷斷續續之下,今朝好倉都出動得到,只係去到臨完場前10分鐘,指數於上升中嘅保歷加通道失守中軸,所以先至離場。不過,作戰室裡面今日更多戰友嘅係處於花生狀態:講下掟彩虹、玩籃球/保齡,就係咁一班人柴娃娃咁就過咗一個上晝。
下半場開市後,雖然指數都見好用力咁向上彈高,不過,過多兩分鐘,嚟到1點7分見到指數又開始無乜力。
換個10分鐘反而見到指數以低角度行咗條「上升通道」出嚟,咁啱指數目前就喺呢條「上升通道」嘅底線上,不過Slow STC(14,3)兩線勢頭都未見到有回升嘅情況,保歷加通道口有一種想拓闊但未確定到嘅尷尬位置,唔通真係落樓下掟彩虹都好過喺度睇住個市?
今日個市靜過無自由行嘅尖沙咀咁,好啦,7月見啦!
作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。
想入作戰室?Click呢度就得:https://www.patreon.com/cbbcwar
FB:https://bit.ly/3uixP4Y