【輪證下半Part】恒指牛Set好位等收工

【now.com財經】今朝揀咗隻恒指牛(62992)出嚟，進取嘅見五分鐘圖上100分鐘線(五分鐘圖20線)有支持時先至出場；安全嘅等返Slow STC(14,3)落返超賣時行Swing Trade。

Patreon今朝出文時間為10點2分，比多10分鐘作為睇文時間，即10點12分，睇返五分鐘圖見指數已經失守50分鐘線(五分鐘圖10線)，有向住100分鐘線方向出發。未幾，喺10點15分已經見到指數低位踩住100分鐘線，比多五分鐘見指數踩穩100分鐘線再見彈高，(62992)發出買入訊號。以10點20分至10點30分期內見指數踩住100分鐘線再彈返起計，(62292)期內高低位做過0.079元/0.066元，平均買入價為0.0725元。

呢一注應該係今個月嘅最後一注，落場後見指數有回升返，心諗：正呀！行到「圓底」推返上去見頸線再破埋佢做今日新嘅高位啦！當然事與願違啦。去到上半場完結前，指數都只係保持住40至50零點嘅升幅，比較好嘅係，五分鐘圖上見指數仍然守住喺100分鐘線之上，只係要捱過保歷加通道收窄後等再拓闊呢段時間就可以啦。

午後初段指數都係咬住中軸水平，去到1點15分先見到保歷加通道口有再次拓闊嘅情況，終於都等到保歷加拓闊番，作戰室午後再出好倉偷位爬格，以今朝高位拉條揭出嚟做目標。嚟到1點32分已經見到指數上破過頂線，高位暫時見到18,396點，再過多3分鐘指數已經將18,300至18,399點嘅熊證都殺埋，指數曾升200點，再見日內新Day High 18,405點。

咁隻(62992)幾時走？用返之前嘅方法，Set好以失50分鐘線作為走貨位，如果去到尾市都唔見指數有失過50分鐘線的話，以不過夜原則喺收市前10分鐘走人吧！

作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。

作戰室入口：https://www.patreon.com/cbbcwar

專頁：https://bit.ly/3uixP4Y