【財經TOP SEARCH】世茂再融資幫唔到股價

【Now財經台】截至早上11時止，1小時內《彭博》用戶關注度上升最多港股，依次為世茂集團(00813)、雅居樂集團(03383)、中國燃氣(00384)、長城汽車(02333)及中遠海能(01138)。

噚日中證監話支持恢復內房企業用股權融資，停緊牌嘅世茂今朝即公布A股籌劃定增，計劃向唔超過35個特定投資者，非公開發行唔超過總股本30%嘅股票，並指集資所得擬用於「保交樓、保民生」相關項目開發，同埋還錢。

獨立股評人譚智樂認為，中證監對股權再融資開綠燈，對世茂等正進行債務重組嘅內房係好事，但對散戶嚟講，再融資對股價冇乜幫助，因為股權會被大幅攤薄。

雖然內房股普遍向下，但Arnold認為，後市唔使睇得太淡，如果未來1至2個月合約銷售數據仍然疲弱，反映即使有救市政策，市場仍未恢復對內房信心，咁就要小心。