【槓桿致勝】升市揀遠價熊安全啲

【Now財經台】恒指已連升3日，今日更收復50天線，好友今個星期佔上風，究竟好淡友應該點部署過周末？

中銀國際證券衍生產品部董事朱紅指，留意到投資者兩邊都有部署，較進取嘅好友多數喺距離現價300至400點做部署，較保守會選擇較遠價，距離現價逾1000點嘅牛證。

Niki續指，雖然大市向好，但資金並非一面倒買熊證，淡友多數揀收回價20800點嘅產品。不過，佢唔建議想反手造淡倉嘅投資者揀太貼價嘅熊證，收回價最少喺500點以外先安全啲。