【專家分析】聶Sir:協鑫短線睇$2.8至$3

【Now財經台】MSCI指數今日收市後換馬，MSCI中國指數「新貴」協鑫科技(03800)，今日喺大成交下抽升，係咪因為股價自高位回落咗唔少，吸引資金近日追入？

華盛証證分析師聶振邦指，最近3個交易日的確多咗資金買協鑫，唔排除因為MSCI指數換馬，增加市場對協鑫嘅關注度。此外，多晶硅價格回調，亦帶動股價近日造好，今年首3季多晶硅價格升唔停，令光伏機組銷情轉弱，依家多晶硅價格回落，光伏機組需求亦隨之增加。

聶Sir又話，協鑫股價暫時仍有上升動力，短線上望2.8元至3元，大消息配合下，現價可考慮買入，保守嘅投資者就可以等股價回落至2.2元水平再吸納。