【專家分析】國企中海外都冇錢擴展業務？

【Now財經台】中國海外發展(00688)去年收入及純利均遠遜預期，中午出完業績後，股價下晝一度跌逾4%，但跌幅好快收窄，收市報18.96元，跌近1%。

市場原本預期中海外去年純利、收入分別逾300億及2000億人仔，結果純利按年跌42%至232億人仔，收入亦跌25.6%至約1800億人仔，末期息大減47%，由2021年0.76港元縮水至去年0.4港元。

寶鉅證券董事及首席投資總監黃敏碩分析指，中海外純利大跌，主要係錄得一大筆外幣匯兌虧損，以及投資物業公允值變動收益，睇返業績，如果扣除呢兩項，去年賺244億人仔，按年跌28%。佢補充，去年內房經營環境仍然困難，即使中海外有國企背景，擴展業務時亦捉襟見肘，繼而影響盈利表現。

集團管理層預期，市場今年有望築底回升，並指有信心交到更好嘅經營業績，不過，Michael估計，內房股第2季表現仍會反覆，入市必須審慎。