標籤:分析
【期匯決算】美匯走勢主要睇…
【分析】 2022/07/04 18:54
【Now財經台】美匯指數仍強勢喺105以上,同一時間美債息由高位急回,投資者今個星期普遍關注啲數據,除咗今個禮拜尾有非農,亦會公布美聯儲局上月議息會議紀錄,究竟喺美聯儲開議息會議之前,美匯短線有冇機會再突破20年高位?
ATFX亞太區首席分析師林銘添指,見到近期無論美國就業定經濟數據,包括製造業PMI同首次失業救濟人數,都顯示美國經濟活力減弱。市場對於今個星期公布嘅非農預期仍然唔太樂觀,特別係新增職位,畢竟6月份好多大企業都預告會削減人手及裁員,而市場最關心就係失業率會唔會提高。佢話呢個係最影響美元後向走勢關鍵,因為呢個走勢會影響美債券回落,估計美金未必能衝高到106水平。