我的股票

    名稱 現價 升跌

    資料報價延遲十五分鐘

    標籤: 地產

    【蝸居百科】室內設計

    【地產】 2019/12/14 11:05

    【now.com地產】小達人嘅一個年輕建築師朋友,向我介紹佢一項得意傑作。一個外籍人士用咗400幾萬,喺上環買咗一個細小嘅住宅單位,但係就好捨得用成百幾萬連工包料聘請佢間建築師行,為單位特別設計。

    呢位年輕建築師攪盡腦汁,渾身解數,打造咗一間變化多端,機關重重而又合符法例嘅住宅;200幾呎實用面積樓面,竟然左擴右伸可以變成好似400、500呎一樣咁好使好用嘅單位。

    香港人買咗樓,都唔興揾一個專業嘅建築師設計同埋施工,多數都係自己同家人左度右度,頂多再四圍打聽一下,就揾個裝修師傅上門,吩咐一番之後,就交晒畀師傅打骰,以為咁最經濟實惠;但以小達人多年觀察所見,裝修結果半數都係超支超時,勞氣收場。

    聘用專業建築師為家居設計同施工,最大嘅好處係成本同埋時間控制準確。因為建築師嘅專業訓練,仲包括項目管理。項目管理嘅重點當然係控制成本喺預算之內,並且項目要喺施工進度嘅時間框架內完成。

    另一好處係一切室內、甚至室外嘅設計、改動、都符合建築及防火法例,令你放心。

    當然,要建築師勝任,你一定要緊密同佢溝通,先至可以按步就班咁將你嘅理想變成現實。

    唔好以為建築師收費一定好貴。下次你計劃全屋大裝修時,先同一個建築師傾下,一定除笨有精。

    蝸居達人邵存希

    想睇更多財經消息