【Now財經台】截至早上11時止，1小時内《彭博》用戶關注度上升最多港股，依次為藥明生物(02269)、百威亞太(01876)、中國石油化工股份(00386)、富力地產(02777)及特步國際(01368)。
藥明生物係今朝表現最差藍籌，但公司又冇特別負面嘅消息，較為近磅係《金融時報》報道，美國計劃制裁海康威視，海康威視A股今朝已經跌停，藥明生物之前被美國列入「未經核實」名單，係咪因為兩家公司都喺類似清單中，因而燒埋藥明生物？
椽盛資本投資總監曾永堅認為，美中關係仍然緊張，市場無可避免會產生好多聯想及憂慮，美國啟動具針對性嘅金融戰，利用自身優勢將股份列入制裁名單，都會令相關股份受壓。佢又話，醫藥股之中，藥明生物有較多海外投資者，全球知名度較高，所以呢類消息好易驚動投資者。
Jaseper估計，藥明生物股價短期會反復向下，要去到裂口位先有較大支持。
