【Now財經台】百威亞太(01876)今朝出咗季績,收入僅增長0.4%,毛利率又跌,但純利就增長近30%,係咪因為舊年基數太低?
耀才證券研究部總監植耀輝解釋,唔同地區嘅基數都唔同,如果睇返內地,2020年基數較低,到2021年因為內地業務分布佔比升得比較勁,所以舊年業績就出現強勁反彈,因此,今年第1季表現相對失色,相反,韓國市場表現強勁,正正係受惠於2021年嘅低基數。
Stanley又話,百威毛利率下跌,主要受原材料價格上升影響,雖然集團有加價,但由於原材料價格升咗唔少,因此,市場普遍都接受呢個解釋。