【Now財經台】截至早上11時止,1小時內《彭博》用戶關注度上升最多港股,依次為長城汽車(02333)、中國海外發展(00688)、新奧能源(02688)、融創中國(01918)及建設銀行(00939)。
長汽AH股今日都大升,整體車股、電池股都強勢。
有內媒報道,車企今個月會有新一輪加價潮,傳統車、新能源車齊齊加價,不過,睇返頭4個月銷售,巿場氣氛疲弱,係咪有條件加價?吉利汽車(00175)都出咗4月銷售數字,但瑞信估計,吉利全年銷售好難達標,車股業績似乎麻麻,集團係咪要調低銷售目標?投資者又點部署?
耀才證券研究部經理譚智樂指,汽車股弱主要係供應鏈問題,面對吉利、長汽呢啲弱勢車股,巿場其實一早有晒心理準備,因此,即使下調銷售目標都唔使太分擔心。Arnold又話,長汽缺乏競爭力,加價更難增加銷售,加上成板車股嘅估值唔係特別平,如果要買車股可以考慮揀比亞迪(01211)呢啲較強勢嘅股份。