【Now財經台】科指成分股中，有5隻已經自52周高位回落咗最少70%，包括瑞聲科技(02018)、明源雲(00909)、平安好醫生(01833)、阿里健康(00241)、嗶哩嗶哩(09626)，至於強勢嘅網易(09999)只係較高位回落咗約12%，投資者應該撈殘股，還是追強勢股？
潤淼資產管理董事盧志威指，殘股反彈動力會較大，除咗瑞聲涉及定單因素，情況較難評估外，其他4隻股份估值下調後都可以博一博。至於逃過監管一劫嘅網易，之前防守力幾強，但見到反彈空間唔係特別大，因此，喺依家嘅市況下，宜集中火力搵跌得好深嘅殘股博反彈。
William補充，炒殘股要炒大隻少少嘅，因小型科網股可能短線周期資金流捱唔住，買嚟都冇意思。
