【Now財經台】京東健康(06618)今朝低開逾3%後，持續向下，午後跌幅擴大，一度大跌近9%，低見61.2元，暫時成交金額逾10億元。
京東健康下午出咗通告，向控股股東京東集團(09618)收購資產，涉及寵物相關業務同產品，包括處方藥、營養品等，涉資不逾3.5億美元，折合約23.8億元人仔幤，截止4月底止，唔計存貨，相關資產評估價值約22億元人民幤。
京東健康上星期三曾因內地就禁第三方平台直接參與藥品網售徵求意見，股價單日急挫逾10%，但呢兩日已收復哂所有失地，不過，股價喺250天，即66元水平止步，京東健康今日大跌，成交較噚日顯著增加，後市可能仲有沽壓，要留意10天線，即60元水平有冇支持。
