【Now財經台】內房股價上半年先苦後甜，下半年焦點就落喺中國恒大(03333)重組進展，有邊隻內房要留意？「國家隊」如中國海外發展(00688)，質素好啲，投資信心都會大啲？
廣東省地產商會副會長尹德輝話，對進取型投資者嚟講，「國家隊」未必比到滿意回報，反而可以博一啲重組緊嘅公司如恒大，中央都代佢發言，話已搵咗專家同重組緊，所以可以留意呢隻內房。不過，佳兆業集團(01638)就未必會吼，因為公司情況仍未明朗，今日賣東部資產，聽日又賣南部資產，反映公司仲未穩定落嚟，因此，唔會因為佢係「國家隊」就有信心。尹德輝又話，就算係「國家隊」，食咗民企有問題嘅資產都會滯一滯，因此，華潤置地(01109)都冇狂升，原因係冇自主權。
