【Now財經台】小米集團(01810)近期走勢唔錯,上星期四至今一度累升20%,曾升穿14元,今朝熱門嘅CALL輪行使價約16元,長身啲就明年1月至3月到期,槓桿3至4倍,短身就今年9月到期,槓桿6倍,想追好倉嘅投資者應該點揀?
摩根大通亞洲上市衍生產品銷售部主管張智卓指,相對其他科技股,小米吸引到嘅資金較少,槓桿較高,9月到期呢批證,風險相對較高,由於年期較短,行使價距離較遠,尤其時間值損耗方面,每日持倉成本約2%,如果投資者覺得小米短期會有突破,可以考慮揀呢隻CALL輪。
佢又話,由於有3日假期,時間損耗成本會較高,因此,如果投資者因應長假期做部署,可以揀長身CALL,時間值損耗每日約幾十點子,持倉成本會較低。