【Now財經台】截至早上11止，1小時內《彭博》用戶關注度上升最多港股﹐依次為比亞迪股份(01211)、雅居樂集團(03383)、龍湖集團(00960)、金沙中國(01928)、中國中鐵(00390)。
比亞迪約20%股份突然轉倉至花旗，市場擔心大股東、「股神」巴菲特部署減持，拖累比亞迪AH股今日大跌，其中比亞迪H股今朝低開逾5%後，跌幅逐步擴大，一度低見265元，重挫逾13%。據港交所股權披露顯示，巴菲特投資旗艦巴郡持有比亞迪2.25億股H股，同轉倉股份數量一致。
大唐資本投資策略部總監盧志明指，以比亞迪股價喺5月由200元起步，最近已升到330元水平，升咗約60%，依家出現咁嘅傳聞，惹嚟一啲揣測，難免會有投資者喺呢個水平「計數」，其實比亞迪已經唔平，就連一啲所謂「神級投資者」都已經有沽貨動機，股價短線應該會比較反覆，下方止蝕位一定係250元水平，要重回290元，甚至300元難度會好高。
