【Now財經台】恒指今個星期暫時升唔夠20點，雖然有約70%成分股要跌，但有滙豐控股(00005)等多隻重磅科網股頂住，ATMXJ本周暫時只得小米集團(01810)要跌，加上科指噚日錄得逾1個月最大單日升幅，喺眾多不明朗因素下，大型科網季績仍值得憧憬？
華盛証券分析師聶振邦指，阿里巴巴(09988)業績唔錯，同樣主打平台商貿嘅京東集團(09618)，市場憧憬業績都應該交到貨，其實市場一度憂慮第2季初，內地封控措施會為企業嘅業績帶嚟負面影響，但依家睇嚟似乎係諗多咗，佢認為，科技股業績仍值得憧憬，早前，科技股出現恐慌性抛售，但投資者依家陸續趁低吸納，因此，科技股暫時都係可以睇好。
