【Now財經台】港股進入業績期，今個星期派成績表嘅收租股包括九龍倉集團(00004)、港鐵公司(00066)、太古地產(01972)等，中國恒大(03333)正標售灣仔中國恒大中心全幢商廈，對本港商廈租務市場有幾大影響？ 此外，收租股同靠賣樓嘅地產股又有咩分別？
香港大學房地產及建設系客席副教授楊書健指，過去兩三年呢類大型交易極少，所以NAV值幾多都睇唔到，依家收租股股息率好高，九倉、太古等過去都未見過咁高，就算相對房託都唔係低好多，但依家市場仲觀望緊甲級寫字樓未來嘅呎價走向。
佢又話，太古喺上世紀80、90年代都起唔少大型樓盤，其後就基於唔同原因逐步轉型，今日嘅重心係起寫字樓及相關資產，其實地產股都唔係單純起樓，以長實集團(01113)為例，過去幾年租金加酒店收入，佔整體盈利比重曾高達50%，出現呢個現象嘅原因係...
