【Now財經台】比亞迪股份(01211)宣布旗下部分新能源車明年加價，原因係新能源車購置補貼年底就完結，其實係咪比亞迪谷銷售嘅技倆，叫消費者趁仲有補貼就快啲買車？比亞迪今次加價足唔足以抵銷補貼？
英皇證券研究部總監陳錦興指，今次的確有少少促銷味道，集團特別強調補貼年底就冇，加上電池原材料成本上升，所以個別車款要加價。
Stanley又話，市場對加價消息冇乜正面反應，原因係今次加價唔係因為比亞迪產品受歡迎，或產品升級推高毛利，加上以往補貼都唔少，而明年加價後會唔會影響汽車銷售等，都係未知之數，坦言唔睇好集團明年銷情。
