【Now財經台】申洲國際(02313)今日一度升逾7%，係升幅最大藍籌，申洲今日有得升應該同Nike業績有關，Nike噚晚喺美股收市後出咗第2季業績，好過市場預期，值得留意係，其實Nike庫存持續上升，而大中華營收跌，拖低整體毛利率，Nike季績係咪都有挑剔位？
英皇證券研究部總監陳錦興指，Nike仍要清存貨，毛利率亦持續受壓，雖然中華區業務開始復甦，但仍然較弱，其實市場之前都睇淡呢份季績，最終出到嚟好過預期，令市場較為興奮。
Stanley又話，申洲股價今日似乎都係受Nike季績帶動，因爲臨近節日大市今日都好靜，而申洲股價呢幾日都持續回調，今日純粹係借Nike季績反彈。
