【Now財經台】科指今年累跌26%，科指成分股中，只有3隻同疫後復常有關嘅股份有得升，分別係攜程集團(09961)、京東健康(06618)及阿里健康(00241)，但喺內地確認全面放寬防疫限制後，呢啲股份就大幅回調，明年初呢類疫後復常概念股嘅優勢，係咪會急速消退？
資深證券分析師彭偉新指，要視乎嚟緊幾個星期內地整體感染人數係咪仍然失控，市場對憧憬呢啲公司盈利會出現爆炸性增長，不過，關鍵係當呢啲公司交到一份靚報表時，中央可能又覺得佢哋賺太多錢，有機會要求佢哋減價，所以好難估計盈利增長可唔可回復至有較大增長動力。
Castor又話，最大不確定性係新冠疫情未來喺內地嘅發展情況，會唔會影響內地醫療系統，又或者病毒殺傷力唔大，唔會有多人求醫，所以都要等農曆新年後，先有機會睇到呢啲股份嘅走向。
