【Now財經台】據內媒報道，鋰電池相關原材料價格全線下跌，跌幅約1%，官方係咪會為保新能源工業復甦，將嚴格監控電池原材料價格走勢？動力電池股今年直接受惠？
獨立股評人莫灝楠指，國家專注扶持一啲有技術優勢嘅企業。電池相關股方面，明顯扶緊寧德時代同比亞迪股份(01211)上位。至於其他例如贛鋒鋰業(01772)同天齊鋰業(09696)，當國家將來如果要扶持下游嘅企業，就要迫上游做限價、甚至減價，咁佢哋嘅競爭能力相對弱好多。雖然依家未係好出面去做呢件事，但遲早會有呢個趨勢出現，所以短炒贛鋒同天齊冇乜問題，但如果長線投資就要注意，買上游公司未必咁著數。
