【Now財經台】ChatGPT近期在全球熱爆，Google、Microsoft等紛紛加入戰團，百度集團(09888)亦確認以項目「文心一言」迎戰，刺激股價噚日收市勁升逾15%，騰訊控股(00700)及阿里巴巴(09988)亦唔執輸，申請人機對話相關專利，近日ChatGPT概念股喪炒，投資者對AI係咪過分樂觀？點評估箇中風險？
潤淼資產管理董事盧志威指，聊天機器人唔係咁神奇，而係一個進階搜尋，令用家獲得更貼近心目中想要嘅資料，比Google及百度原先嘅搜尋功能更進一步，對佢哋原有業務構成重大風險，情況就好似當年剛推出search engine時百花齊放，要做得好十分視乎使用人數、後勤能力、雲計算處理能力，最後可能只得一兩個霸主。
William又話，依家炒ChatGPT概念，同之前元宇宙剛開始時嘅情況有啲相似，但人機對話係好過元宇宙，相信最後最少有一至兩家公司跑出，或等同依家Google嘅地位，佢認為，可繼續作短線投機，但要留意後續發展。
