【Now財經台】截至早上11時止，1小時內《彭博》用戶關注度上升最多港股，依次為旭輝控股集團(00884)、創科實業(00669)、騰訊控股(00700)、中國恒大(03333)及安踏體育(02020)。
今日有兩隻內房股上榜，旭輝股價一度急瀉16%，低見0.84元，集團月底會公布離岸債初步重組方案，並計劃3月開始跟債權人談判。不過，恒大清盤呈請聆訊臨近，但境外債務重組方案仍未獲得債權人支持，旭輝股價大冧係咪受恒大呢個消息拖累？
資深證券分析師彭偉新指，恒大呢個消息絕對會拖累旭輝，恒大嘅重組方案包括現有債務分期攤還，或變成正股，但呢兩個方案債權人都好難接受，因為年期較長，難以令人相信恒大到時有能力還債，佢又話，難以估計日後復牌股價會跌幾多，又認為債權人接受重組方案嘅機會極微，投資者會將類似嘅考量擺喺旭輝身上，導致旭輝股價今日大冧。
