【Now財經台】微軟宣布將AI結合自家辦公室軟件，相信可大大提升辦公室生產力，刺激股價隔晚造好。睇返港股，只有金山軟件(03888)比較接近微軟嘅Office，金軟股價今日都大升，集團好大機會同「文心一言」合作，效果會唔會一樣？
紅蟻資本投資總監李澤銘指，金軟嘅Office似乎同微軟Office差唔多，但應用喺工作方面，其實係體驗到兩者嘅分別，金軟喺中國以市場嘅市佔率同微軟有好大差距，亦未見到有收窄嘅情況，雖然金軟有辦公室軟件，但喺AI嘅布局及研發都跟唔上全球頂級潮流，無可避免要同其他AI開發商合作。
軟件股今日成板炒咗上去，Alan認為，呢個板塊明顯反應過咗龍，噚日百度集團(09888)舉行「文心一言」發布會時，股價「斷崖式」急挫，都唔會對「文心一言」有太大期望，如果真係要炒不如考慮美股嘅相關股份如微軟。
