【Now財經台】龍湖集團(00960)去年多賺約2%至243億元人民幣，中午出業績後股價升勢持續，最多升6%，高見22.55元。
龍湖全年收入增12%至逾2500億人仔，單睇下半年，營業額及核心盈利都有改善。集團指，去年100%如期交付11萬套以上項目，但全年毛利率跌至歷史低，只得21.2%。
寶鉅證券董事及首席投資總監黃敏碩認為，隨著內地去年放寬樓市監控政策，龍湖做到貨如輪轉，已較唔少同業優勝，加上負債情況有改善，相信集團今年繼續發展中高檔項目及精品項目，都有助提升毛利率。
Michael續指，今次業績有助股價摸底，但技術上暫時未見有上升趨勢，又話有國企背景嘅內房，例如越秀地產(00123)係更穩陣之選。
