【Now財經台】安踏體育(02020)今日中午派完成績表後，股價愈升愈有，仲重返「紅底股」，現價市盈率(PE)約37倍，絕對唔係平，股價未來會點走？係咪要留意集團喺分析員會議嘅業務指引？噚日大和出報告，話李寧(02331)下跌係吸納機會，呢個概念係咪都可以套用喺安踏身上？
南華金融集團高級分析師莫灝楠指，安踏嘅品牌定位係中低端，呢段時間因為疫情，消費水平都下降，因此，安踏比價格定位較高嘅李寧有更大競爭力，加上李寧增長速度一直偏慢，所以安踏會更優勝，不過，37倍PE唔係太划算，股價喺100元樓下先相對合理，所以依家股價升咗上去就唔好夾硬追。
