【Now財經台】截至早上11時止，1小時內《彭博》用戶關注度上升最多港股，依次為美高梅中國(02282)、金沙中國(01928)、中國石油股份(00857)、騰訊控股(00700)、美團(03690)。
今日頭兩位都係賭股，「五一黃金周」效應，加上4月賭收勁升4.5倍，雖然有咁多好消息，但今日賭股全線向下，其中，美高梅挫逾8%，公司噚日出咗首季業績，好過市場預期，經調整業績成功扭虧，又獲滙豐證券唱好，大幅上調目標價約20%至12元，係咪可以趁低吸納？
獨立股評人譚智樂指，今朝賭股受壓，主要係4月偷步入市嘅資金獲利回套，因為賭股未必有條件延續升勢，吸引資金再追入，雖然美高梅跌得比較多，但呢隻股份一向波動性較大，投資者可以睇下未來1、2日有冇新消息。
Arnold又話，有貨嘅投資者可以將止蝕位擺喺9.5元，跌穿要先離場。
