【now.com財經】多得港股成交咁少,先至有位機會港交所(00388)失守300元水平。作戰室喺早兩日講完隻港交淡倉之後,今日有戰友見300元都無埋就食咗隻港交所淡倉先,啱架,聽日紅日,再過夜要過三日,一個唔該地球另一端話債限OK,咁個市又有可能倡啲意咁上返去。
今日作戰室仍然全線開淡,呢度亦都係一樣,先揀咗隻恒指熊(64211)出嚟,Set好進取同安全兩個落場方案,前者見指數受制於五分鐘圖10/20線出場;後用返Slow STC(14,3)超買位入淡倉博行一趟Swing Trade就算。
按今朝Patreon出文時間為10點21分,如常的用10分鐘作為睇文的話,則在10點31分再睇返個市,五分鐘圖上當時見到指數剛好升到五分鐘10線,再比多五分鐘都唔過,(64211)可以出場。以10點35分起計10分鐘作為買貨時間,期內(64211)高低位做過0.083元/0.076元,平均買入價為0.0795元。
隨後指數往下再落,上半場恒指低位見過18,716點,已經創咗今年內新低,由去年高至低位拉個大嘅Fibonnacci出嚟的話,目前指數已經回落到差不多0.382水平;戰友Jack用咗今年高位同上年低位嚟拉,都見到指數目前企喺0.5水平前。而呢兩個位都大約係185XX點左右。
下半場開市後,指數再向下衝多少少,再創日內及年內新低見18,688點,嗰層唔多起眼嘅18,700至18,799點過千張期指街貨都無埋,下一層就真係到18,500至18,599點過千張期指街貨,下個星期食埋定今日胃口大會吞埋?唔知,我只係知道(64211)如果都係唔過五分鐘圖10/20線嘅,選擇唔過三日假期嘅就收市前處理咗佢啦。
作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。
作戰室七日免費試用:https://www.patreon.com/cbbcwar