【Now財經台】截至早上11時止，1小時內《彭博》用戶關注度上升最多港股，依次為吉利汽車(00175)、海爾智家(06690)、中國海洋石油(00883)、中國銀行(03988)及建設銀行(00939)。
吉利股價今日(5日)逆市升，《彭博》最新綜合13家已公布2023年汽車銷量或已交付嘅品牌，僅4家年度銷量達標，包括理想汽車(02015)、比亞迪股份(01211)、東風嵐圖及吉利。雖然吉利銷售達標，但旗下電動車品牌「極氪」就唔達標，達標率僅85%，不過，整體來講，吉利係唯一一家銷售達標嘅傳統老牌車企。
大華繼顯執行董事梁偉源指，國內電動車市場於2023下半年競爭激烈，吉利已經交到貨，值得留意係，吉利銷售達標其實係靠傳統車，同集團希望轉型賣電動車嘅目標唔太相符，亦再次反映內地電動車市場競爭激烈，車企要有增長並唔容易。
Steven又指，小米集團(01810)及華為都會踩入電動車市場，競爭必定更激烈。
