【Now財經台】滙豐證券最新報告指，認為內地基建行業仍面對挑戰，下調3家有國企背景嘅基建股目標價3%至7%，其中，雖然中交建(01800)上半年純利要跌，但仍派中期息，中國中鐵(00390)及中國鐵建(01186)就冇派中期息，滙證預期，中國建築國際(03311)派息率將會上升，基建股應該點揀好？
博威環球證券金融首席分析師聶振邦指，基建股現階段跌得比較殘，如果要入市，買大型基建股會比較著數，雖然中國建築規模都算大，但股價今年已累升17%，中鐵及中鐵建今年暫時要跌，相對之下，低價吸納中鐵及中鐵建會較值博，如果睇返基本面，佢建議可以留意中交建。
