【Now財經台】泡泡瑪特(09992)股價近期走勢唔錯，前兩日曾經見過逾3年半高位，即95元水平，但之後回套，並下試10天線，市場上嘅CALL選擇唔算太多，加上偏短身，唔夠100日到期嘅價外約20%，槓桿3倍，較長身嘅CAL距L離到期逾200日，全部價內，槓桿僅1倍，條款上似乎唔太吸引，應該點揀好？
星展香港環球金融市場上市產品主管周國威指，泡泡瑪特股價今年走勢相當強勁，率先入場嘅投資者可以繼續換馬，市場上亦已陸續推出價外，行使價100元以上嘅CALL，睇返泡泡瑪特走勢，明年4月至6月到期，行使價約距離現價10%至20%，槓桿3至4倍嘅條款都係值得考慮。
佢又提醒，由於泡泡瑪特股價近期波動性較大，投資者要擺好止蝕位，以防股價出現異動。
