【Now財經台】中興通訊(00763)AH股今早(17日)升勢凌厲，其中，H股一度大升逾11%，高見21.6元，暫時成交股數較過去100日同時段平均增5倍，H股成交金額逾9億元，A股成交金額就逾120億人幣。
睇返技術走勢，中興昨日(16日)一舉升穿所有移動平均線，仲開出大陽燭，但中午前獲利壓力較大，原本嘅燭芯冇咗一截，上影線都好明顯。雖然中興股價今日急升，相對強弱指數(RSI)仲未現超，但要留意中興產品好受中美角力影響，上星期美國國防授權法案已通過向電訊公司提供30億美元補貼，拆除華為及中興嘅通訊設備，對公司造成嘅影響唔細，投資者都需要留意。
