【now.com財經】上個星期冷吼咗隻網易(09999)熊(54644)，喺上半場以買入價0.036元落場後，有講過以日線圖嚟做Trade嘅， 不過都借住小時圖嘅中軸線作為上方量度線。但到今日依家9點45分，其實都係未見到網易股價企高於小時圖中軸。不過今朝返嚟開市見指數升200幾點開市，都有少少推到網易股價喺小時圖穿住條中軸線，所以見到咁嘅情況，(54644)都可以先走。
如常的用10分鐘作為走貨時間的話，期內高低位做過0.034元/0.033元，平均走貨價為0.0335元，呢注過夜貨平均輸2.5格或7.46%，還可以的，只係1月第一注負數但今日已經20號，嘿~
仲有10分鐘就10點，作戰室啲好倉食得嘅食，風箏嘅風箏，暫時高位見過19,974點，重新再迫近20,000點之餘，指數已經重新踩住熊證重貨區。如以50點為一層嘅街貨圖去睇嘅話，暫時已有相當於1,437張期指被收回。
10點後有見指數開始喺19,900點呢個位上落，稍等多一陣見指數喺19,880點上開始畫到線企住，同時10線終於都上到嚟。
恒指牛(67622)，收回價19,286點，同現價有約651點距離，喂！今日啲牛最近架啦，Mark住指數借保歷加頂線同10線行Swing啦，依家保歷加底線有見向上，有條件出Swing啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
